श्रावण महिन्याच्या पहिल्या सोमवारी श्री क्षेत्र भीमाशंकर येथे भक्तांनी मोठ्या श्रध्देने हजेरी लावली आहे. बारा ज्योतिर्लिंगांपैकी एक असलेल्या या पवित्र स्थळी पहाटेपासूनच धार्मिक उत्साहाने भक्तांनी हजेरी लावली आहे. मुख्य शिवलिंगावर दुग्धाभिषेक करून महाआरती झाल्यावर शंखनाद करण्यात आला. मंदिराचा मुख्य गाभारा तसेच संपूर्ण परिसर फुलांच्या मनमोहक सजावटीने सजवण्यात आला होता. हर हर महादेवच्या जयघोषांनी परिसर दुमदुमून गेला आहे. भाविकांसाठी मंदिर खुल कतण्यात आले आहे. यंदाच्या वर्षी श्रावण मास सुरु असताना मोठ्या प्रमाणात पाउस सुरु आहे.त्यामुळे भाविक आणि भक्तांमध्ये एक वेगळा उत्साह आहे. भीमाशंकर चरणी येऊन प्रत्येक भाविक भक्त हा आपली मनोकामना पूर्ण करत असतो.