हिंदी सक्ती विरोधात ठाकरे बंधु हे आक्रमक झाले होते. तसेच येणाऱ्या 5 जुलैला मोर्चा देखील काढणार होते. मात्र मराठी भाषेच्या समर्थनार्थ संपूर्ण महाराष्ट्र एकवटल्याने राज्यातील महायुती सरकारला त्रिभाषा शासन निर्णय रद्द करावा लागला. यानंतर आज मुख्यमंत्री देवेंद्र फडणवीस यांनी भाष्य केले. आम्ही निर्णय घेतला आहे. आता कमिटी देखील तयार केली आहे. आता यावर समितिच निर्णय घेईल. कोणाच्याही दबावाला झुकणार नसून कुठल्याही पक्षाचे हित न बघता विद्यार्थ्यांचे हित बघितले जाईल. असे देवेंद्र फडणवीस म्हणाले.