आय लव्ह मोहम्मद या पोस्टरमुळे सध्या राज्यात तणावाची परिस्थिति निर्माण झाली आहे. अहिल्यानगर जिल्ह्यात देखील आज दोन गटांमध्ये जोरदार राडा झाला यामुळे शहरात मोठी खळबळ उडाली. याचे पडसाद आता राज्यातील इतर जिल्ह्यांमध्ये देखील पाहायला मिळत आहे. तसेच गेल्या काही दिवसांपासून महाराष्ट्राचा सामाजिक सलोखा हा बिघडत असून नेमके याचा म्होरक्या कोण असा प्रश्न उपस्थित होत आहे.

यावरच मुख्यमंत्री देवेंद्र फडणवीस म्हणाले, सध्या राज्यात काहीजण असे पोस्टर लावत आहे. ज्यामुळे राज्यातील सामाजिक स्वास्थ्य बिघडत आहे. मात्र यामागे जो कोणी आहे. त्याला आम्ही शोधून काढू आणि कडक कारवाई करू असा इशारा देवेंद्र फडणवीस यांनी दिला आहे.