निवडणूका जाहीर होताच देवेंद्र फडणवीस यांनी एक ट्विट केलं आहे. ''शंखनाद'' असं त्यांनी या ट्विटमध्ये लिहिलं आहे. त्यासोबत त्यांनी आपला एक व्हिडिओ देखील जोडला आहे. ज्यात ते भाजपचा झेंडा हातात घेऊन आक्रमकपणे भाषण करत असल्याचं दिसत आहे.

राज्यात विधानसभा निवडणुकांचं बीगुल आता वाजलं असून मंगळवारपासून आचारसंहिता लागू झाली आहे. तर 20 नोव्हेंबरला मतदान आणि 23 नोव्हेंबरला मतमोजणी होणार आहे. निवडणूक आयोगाने पत्रकार परिषदेत विधानसभेचा हा कार्यक्रम जाहीर केल्यानंतर देवेंद्र फडणवीस यांनी आपल्या ट्विटर अकाऊंटवरून पोस्ट शेअर केली आहे. ''शंखनाद''असा उल्लेख त्यांनी या पोस्टमध्ये केला आहे. सोबतच त्यांनी आपला एक व्हिडिओ शेअर केला असून यात भाजपचा झेंडा हातात घेऊन ते भाषण करताना दिसत आहेत. त्यामुळे आता विधानसभेत राजकीय घमासान रंगण्याची चिन्ह दिसून येत आहे.