एक्झिट पोलमध्ये एनडीएला कौल मिळाला असला तरी, महाराष्ट्रात मात्र महाविकास आघाडीला मोठं यश मिळणार असल्याचा अंदाज व्यक्त करण्यात आलाय. सर्वात लक्षवेधी म्हणजे पक्ष फुटूनही पवार आणि ठाकरे जोरदार कामगिरी करणार असल्याचा अंदाज व्यक्त करण्यात आलाय. शिवसेना आणि राष्ट्रवादी फुटल्यानंतर दोन्ही पक्षांसाठी ही निवडणूक प्रतिष्ठेची होती. या निवडणुकीत जनता कोणाच्या बाजूने कौल देणार याकडे सर्वांचं लक्ष लागलंय. अशातच ठाकरे आणि पवारांचं नाणं यात खणखणीत असल्याचं एक्झिट पोलच्या अंदाजांवरुन दिसतंय.