अधिवेशनामध्ये सभागृहात बसून कार्ड गेम खेळणारे कृषीमंत्री माणिकराव कोकाटेंच्या राजीनाम्याची मागणी विरोधकांकडून होत आहे. अजित पवारांनी कोकाटेंच्या चुकांबाबत इशारा दिलाय. अजित पवारांच्या वाढदिवसाच्या निमित्ताने आज मंत्री आणि आमदारांसाठी स्नेह भोजनाचा कार्यक्रम एका हॉटेलमध्ये आयोजित कऱण्यात आलाय. त्यावरून रोहित पवार यांनी बोचरी टीका केली आहे. हॉटेलमध्ये जेवणाचा बेत ठेवला असेल तर तिथेच कोकाटेंचा सेंड ऑफ केला जाणार का? असा टोला रोहित पवारांनी लगावलाय.

राष्ट्रवादी काँग्रेसचे आमदार रोहित पवार यांनी कृषिमंत्री माणिकराव कोकाटे यांच्यावर टीका करत, “जर हॉटेलमध्ये जेवणाचा बेत असेल, तर कोकाटेंचा सेंडऑफ ठेवला असेल,” असा टोला लगावला. कोकाटे आणि शिरसाट यांच्याबाबत सरकारला कठोर निर्णय घ्यावा लागेल, असे पवार म्हणाले. हे सरकार महाराष्ट्राच्या हिताचे नसल्याचा आरोपही त्यांनी केला.