रघुनाथ मोरे यांच्या निधनानंतर आज उपमुख्यमंत्री एकनाथ शिंदे यांनी त्यांच्या कुटुंबाची भेट घेत सांत्वन केले. त्यानंतर त्यांनी प्रसार माध्यमांना प्रतिक्रिया दिली. यावेळी बोलताना शिंदे म्हणाले की, रघुनाथ मोरे यांचे निधन झाले ही एक दुःखद आणि वेदनादायी घटना आहे. माझ्यासाठी ते आनंद दिघेंच्या सानिध्यामध्ये काम करत असताना मोरे यांनी खूप मार्गदर्शन मला केले होते. माझ्या या यशस्वी वाटचालीमध्ये देखील मोरे यांचा मोठा सहभाग आहे. प्रत्येक कार्यकर्त्याला दिघे साहेब गेल्यानंतर आधार देणे त्यांना शिवसेना पक्ष संघटना वाढवणे आणि त्यासाठी अहोरात्र मोरे यांनी काम केलं. ठाण्यामध्ये दिघे यांच्यानंतर शिवसेना संघटना संभाळण्यासाठी मोरे यांनी काम केलं माझ्यासारखे असंख्य कार्यकर्ते देखील आज वेगवेगळ्या पदांवर काम करत आहेत, त्यांच्या पाठीशी देखील मोरे यांच मार्गदर्शन होतं. शिवसेनेसाठी आणि माझ्या वैयक्तिक परिवारासाठी देखील मोठी उणीव आहे. न भरून येणारी ही उनिव आहे. त्यांच्या परिवारासाठी आम्ही सातत्याने उभे राहू.