विधानसभा निवडणुकीचं बीगुल वाजल्यापासून महाविकास आघाडी आणि महायुतीमध्ये मुख्यमंत्रिपदाच्या दावेदारावरून जोरदार चर्चा रंगल्या आहेत. मात्र दुसरीकडे 'मी मुख्यमंत्रिपदाच्या शर्यतीतच नाही', असं मोठं विधान उपमुख्यमंत्री देवेंद्र फडणवीस यांनी केलं आहे. टाइम्स ग्रुपला दिलेल्या मुलाखतीत त्यांनी हे विधान केलं आहे. घटकपक्षांना सोबत घेऊन जायचं असताना आमच्या सगळ्या आकांक्षा पूर्ण होतील असं नाही, असंही यावेळी फडणवीस यांनी म्हंटलं आहे.

विधानसभा निवडणुकीनंतर राज्यात भाजपचा मुख्यमंत्री व्हावा अशी पदाधिकारी आणि कार्यकर्त्यांची भावना असणं स्वाभाविक आहे. आघाडी किंवा महायुतीचं राजकारण हे वास्तवावर आधारित आहे. तिथे भावनेला प्राधान्य देता येत नाही. घटकपक्षांना सोबत घेऊन जायचं असताना आमच्या सगळ्या आकांक्षा पूर्ण होतील असं नाही. मुख्यमंत्रिपदाची कोणतीही शर्यत नाही. मी मुख्यमंत्रिपदाच्या शर्यतीत नाही, असं देवेंद्र फडणवीस यांनी यावेळी बोलताना म्हंटलं आहे.

Edited By Rakhi Rajput