पुणे: दौंड तालुक्यातील एका कला केंद्रामध्ये सोमवारी गोळीबार झाल्याची घटना घडली आहे. पुणे जिल्ह्यातील एका सत्ताधारी आमदाराच्या भावाने गोळीबार करत राडा केला असून त्यात एक तरुण जखमी झाल्याची समोर येत आहे. यावरच आता राष्ट्रवादी शरद पवार गटाचे आमदार रोहित पवार यांनी जोरदार टीका केली आहे.

दौंडमध्ये एका कलाकेंद्रात पुणे जिल्ह्यातील एका सत्ताधारी आमदाराच्या भावाने गोळीबार करत राडा केला असून त्यात एक तरुणी जखमी झाल्याची माहिती समोर येत आहे. अंदाधुंद गोळीबार करणारे हे कोण महाशय आहेत, हे शोधण्याऐवजी पोलीस यंत्रणा सत्ताधारी दबावामुळे प्रकरण दडपण्याचा प्रयत्न करत असल्याची माहिती समोर येत आहे.

दोषींवर कारवाई होणार आहे की नाही? की सत्ताधारी आहेत म्हणून मोकाट सोडणार? हा कसला ‘सत्तेचा तमाशा?’ कोणत्याही दबावाला बळी न पडता कायदा व सुव्यवस्थेत #अनंत_कटकटी करणाऱ्यांवर पोलिसांनी कारवाई करावी अशी मागणी रोहित पवार यांनी केली आहे.