लाडक्या बहिणींमुळे विकास निधी मिळण्यात उशीर होतोय, असं वक्तव्य करत कॅबिनेट मंत्री दत्तात्रय भरणे पुन्हा एकदा चर्चेत आले आहेत. इंदापूरमध्ये झालेल्या घरकुलाच्या धनादेश वाटप कार्यक्रमात त्यांनी हे वक्तव्य केलं. या आधीही मंत्री भरणे यांनी असाच उल्लेख करत विकास निधीच्या विलंबासाठी "लाडक्या बहिणीं" जबाबदार असल्याचं म्हटलं होतं. त्यामुळे आता, मंत्र्यांना लाडक्या बहिणी नकोशा झाल्यात का? असा सवाल उपस्थित होतोय. राजकीय वर्तुळात भरणे यांच्या या विधानावरून चर्चांना उधाण आलं असून, विरोधकांकडून टीकेची झोड उठण्याची शक्यता आहे.