वादग्रस्त IAS प्रोबेशनरी अधिकारी पूजा खेडकर यांच्या कुटुंबियांच्या अडचणीत वाढ होताना दिसत आहे. एकीकडे बेहिशोबी मालमत्ता जमवल्याच्या संशयाखाली वडील दिलीप खेडकर यांची ACBकडून चौकशी करण्यात येत आहे. तर दुसरीकडे फरार असलेल्या पूजा खेडकर यांच्या आई मनोरमा खेडकर यांना रायगडच्या महाड मधून अटक करण्यात आली आहे. पूणे पोलीसांकडून पूजा खेडकर यांना देखील नोटीस बजावण्यात आली आहे. पुण्याच्या जिल्हाधिकाऱ्यांवर खेडकर यांनी छळवणुकीचा आरोप केला होता. यासंदर्भात लेखी जवाब नोंदवण्यासाठी खेडकर यांना आदेश देण्यात आले होते परंतु त्या अजूनही वाशिमहून पुण्याला निघाल्या नसल्याची माहिती समोर येत आहे.