राज्यात महाविकास आघाडीच्या मतदारसंघातून पाच ते दहा हजार नावे कमी करण्यात येत असल्याचा गंभीर आरोप महाविकास आघाडीने केलाय..मतदार यादीमधून नावे गहाळ होण्यामागे मुख्यमंत्री एकनाथ शिंदे आणि उपमुख्यमंत्री देवेंद्र फडणवीस यांचा थेट हात असल्याचा गंभीर आरोप काँग्रेसचे प्रदेशाध्यक्ष नाना पटोलेंनी केला..

दरम्यान आगामी विधानसभा निवडणुकीच्या पार्श्वभुमीवर महायुतीनं राबवलेल्या योजनांची माहिती घराघरात पोहचवण्यासाठी योजना दुतांची नेमणूक केलीये. यावरुनही मविआनं आगपाखड करत योजना दूतांची निवडणुक आयोगानं चौकशी करावी अशी मागणी केलीये. दुसरीकडे पोलीस महासंचालक रश्मी शुक्ला यांची नियुक्ती व त्यांना दिलेली मुदतवाढ ही असंवैधानिक आणि बेकायदेशीर आहे. त्यांना हटवण्याची मागणी काँग्रेसने केली. मविआनं तक्रारींचा पाढा वाचत भाजपला आणि निवडणूक आयोगाला लक्ष्य केलंय.. त्यामुळे निवडणूक आयोग मविआच्या तक्रारींची दखल घेणार का हेच पाहायचं...