मुंबई : 'राहुल गांधींची जीभ छाटणाऱ्याला ११ लाखांचे बक्षीस देऊ'', असं वक्तव्य शिंदे गटाचे आमदार संजय गायकवाड यांनी काल केलं होतं. त्यावरून कॉंग्रेस नेत्यांमध्ये संतापाची लाट आहे. यावर आता कॉंग्रेस नेत्या यशोमती ठाकूर यांची प्रतिक्रिया समोर आलीय. गुंड कोणाला म्हणायचं? असा सवाल करत यशोमती ठाकूर यांनी हल्लाबोल केलाय. मुख्यमंत्र्यांना गुंड म्हणायचं की त्यांच्या आमदारांना गुंड म्हणायचं? गृहमंत्र्यांना गुंड म्हणायचं की त्यांच्या नेत्यांना गुंड म्हणायचं, असा प्रश्न त्यांनी विचारलेला आहे.

हा महाराष्ट्र आहे. या महाराष्ट्रासोबत छेडखाणी करणं चुकीचे आहे. जे सत्ताधारी आहेत, त्यांना दंगल करायची आहे. आता तेवढाच पर्याय त्यांच्याकडे आहे. महाराष्ट्रला इजा केली तर खबरदार, महाराष्ट्र तुम्हाला माफ करणार नाही अशी आक्रमक भूमिका यशोमती ठाकूर यांनी घेतलीय. कुठल्याही परिस्थितीत संजय गायकवाड यांच्यावर गुन्हा दाखल झाला पाहिजे, सुमोटो कारवाई करा अशी मागणी यशोमती ठाकूर यांनी केलीय.