देशाच्या राजधानी दिल्लीमध्ये इंडिया आघाडीने महारलीचे आयोजन केले आहे. या रॅलीमध्ये देशातील विरोधी पक्षाचे प्रमुख नेते उपस्थित आहेत. या रॅलीला मोठ्या प्रमाणात गर्दी जमा झाली आहे. मुख्य निवडणूक आयुक्त ज्ञानेश कुमार यांच्या राजीनाम्याची मागणी या मोर्चातून केली जात आहे. दरम्यान लोकसभेचे विरोधी पक्षनेते राहुल गांधी यांनी मोठे विधान केले आहे. ते म्हणाले, ज्ञानेश कुमार निवडणूक आयुक्त पदावरून पायउतार होतील आणि त्यांना जेलमध्ये जावेच लागेल. ही कुठली साधी चोरी नसून ही सामान्य माणसाच्या आवाजाची चोरी आहे. यालाच देशद्रोही म्हणतात. ज्ञानेश कुमार यांच्या कृपेमुळेच मोदी पंतप्रधान आहे आणि अमित शाह हे गृहमंत्री आहे असा जोरदार हल्लाबोल राहुल गांधी यांनी केला.