धर्मेंद्र प्रधान यांच्या राजीनाम्यावर काँग्रेस ठाम आहे. काँग्रेस अध्यक्ष मल्लिकार्जुन खरगे यांनी राज्यसभेत धर्मेंद्र प्रधानांच्या राजीनाम्याची मागणी केली. प्रधान यांचा राजीनामा आधी घ्यावा, मगच आम्ही चर्चा करू, असे ते म्हणाले. यावर NEET बाबत आम्ही चर्चेला तयार असल्याचं जे. पी. नड्डा यांनी स्पष्ट केलं आहे.

कॉक्रोच जनता पार्टीच्या आंदोलनात सहभागी झालेल्या विद्यार्थ्यांवर दिल्ली पोलीस आणि सुरक्षा दलांनी लाठीमार केला. या लाठीमाराच्या घटनेचा निषेध करण्यात येत आहे. काँग्रेस आणि विरोधी पक्षांच्या नेत्यांनी राहुल गांधींच्या नेतृत्वात काल पंतप्रधान नरेंद्र मोदींच्या निवासस्थानाबाहेर ठिय्या मांडला. बराच वेळ आंदोलन करणाऱ्या राहुल गांधी आणि प्रियांका गांधी यांच्यासह अनेक खासदार आणि नेत्यांना पोलिसांनी ताब्यात घेतले होते. या आंदोलनाचे पडसाद देशभरातील विविध राज्यांत उमटले आहेत. दुसरीकडे, काँग्रेसने आक्रमक पवित्रा घेतला असून, संसद अधिवेशनातही भाजप सरकारला घेरलं आहे. आधी धर्मेंद्र प्रधान यांचा राजीनामा घ्यावा, मगच आम्ही चर्चा करू, असं खरगे म्हणाले. त्यावर नीट परीक्षेबाबत आम्ही चर्चेला तयार आहोत, असे सरकारच्या वतीने जेपी नड्डा यांनी स्पष्ट केले आहे.