सोलापूरच्या काँग्रेस खासदार प्रणिती शिंदे यांनी आज महापालिकेच्या आयुक्तांसह अधिकाऱ्यांना चांगलंच सुनावलं. विकासकामांच्या संदर्भात घेतलेल्या बैठकीत शिंदे यांनी अधिकाऱ्यांकडून कामांचा तपशील मागवला. खासदार निधीतून तब्बल ४० कोटी रुपये विकासकामांसाठी दिल्याचं शिंदे यांनी सांगितलं. मात्र, या कामांचा लेखाजोखा मागितल्यानंतर अधिकाऱ्यांकडून समाधानकारक उत्तर न मिळाल्याने त्या चांगल्याच भडकल्या होत्या. शिंदे यांच्यासह उपस्थित काँग्रेस पदाधिकाऱ्यांनी देखील भाजप आमदारांच्या कामांना प्राधान्य दिलं जात असल्याचा आरोप केला. दरम्यान, सोलापुरात झालेल्या पावसामुळे अनेक भागातील नागरिकांच्या घरात पाणी शिरलं. यामुळे शहरवासीयांना मोठ्या समस्यांना सामोरं जावं लागलं. या पार्श्वभूमीवर खासदार शिंदे यांनी महापालिकेच्या कामकाजावर थेट प्रश्नचिन्ह उपस्थित केले.