मध्य प्रदेशात लाडली बहन योजनेमुळे विधानसभा निवडणुकीत भाजपला सत्ता मिळाली. त्याचीच पुनरावृत्ती करत विधानसभा निवडणूक डोळ्यासमोर ठेवून शिंदे सरकारनं लाडकी बहीण योजना सुरू केली. मात्र या योजनेचा लाभ मिळवण्यासाठी राज्यातल्या सेतू केंद्रांवर महिलांची मोठी झुंबड उडालीय. या योजनेचा लाभ घेण्यासाठी अर्ज स्वीकारण्यासाठी मुदत १५ जुलैपर्यंत आहे. त्यामुळे महिलांनी सेतू केंद्रांसमोर मोठ्या रांगा लावल्या आहेत. त्याचाच फायदा उचलत आता दलालांनी या लाडक्या बहिणींना लुटण्याचा सपाटा लावलाय...सोलापुरात या लाभार्थी महिलांकडून ३०० ते ४०० रूपये उकळले जातायत. तर कोल्हापुरात तासंतास रांगेत उभं राहावं लागत असल्यामुळे महिला वैतागल्या आहेत. आणि त्यामुळेच योजनेला मुदतवाढ देण्याची मागणी केलीय.