मुख्यमंत्री एकनाथ शिंदे कोल्हापुरात एका हॉटेलात मुक्कामाला असून, मागील काही तासांपासून ते कुणालीही भेटले नाहीत. कोणतीही प्रमुख व्यक्ती, उमेदवार किंवा नेत्यांना त्यांनी भेट दिलेली नाही, असे समजते. चार तासांपेक्षा जास्त कालावधी झाला तरी, मुख्यमंत्री शिंदे हे बंद खोलीतच आहेत. शिंदे हे अनेक नेत्यांसोबत फोनवरून संपर्क साधत असल्याचे सूत्रांकडून सांगण्यात येत आहे. लोकसभा निवडणूक मतदानाचा दुसरा टप्पा पार पडला तरी, महाराष्ट्रात अनेक ठिकाणी जागावाटपांचा घोळ असल्याचे दिसते. त्यामुळे मुख्यमंत्री फोनवरून अनेक नेत्यांशी या महत्वाच्या विषयावर चर्चा करत असल्याचे सूत्रांकडून सांगण्यात येत आहे.