राज्यात लाडकी बहीण योजनेची (Majhi Ladki Bahin Yojana) चांगलीच चर्चा सुरू आहे. या योजनेसाठी लागणाऱ्या कागदपत्रांची पूर्तता करण्यासाठी महिला तहसील कार्यालयात गर्दी करत आहेत. यावर मुख्यमंत्री एकनाथ शिंदे (CM Eknath Shinde) यांनी मोठी प्रतिक्रिया दिली आहे. बुलढाण्याच्या तलाठ्यांनी (Buldhana Talathi) महिला भगिनींना अरेरावी केली. त्यांची गैरसोय झाल्यानंतर कलेक्टरला (Collector) तत्काळ फोन केला. त्यावर कारवाई करण्याच्या सूचना दिल्या आहेत, असं मुख्यमंत्री एकनाथ शिंदे म्हणाले. शासनाने ज्या आत्मियतेने या योजना सुरू केल्या आहेत. त्याचा लाभ प्रत्यक्ष महिला भगिनींना मिळाला पाहिजे. त्यांची गैरसोय आणि अडचण होऊ नये. त्यामुळे त्यांच्याकडून कुणीही पैशांची मागणी करू नये, असं शिंदे म्हणाले.