Shreya Maskar
कळवा हे ठाणे शहर, महाराष्ट्रातील परिसर आहे, जो ठाणे महानगरपालिकेद्वारे प्रशासित आहे. तुम्ही येथे डोंबिवली , कल्याण ट्रेन पकडून जाऊ शकता. वन डे ट्रिपसाठी हे बेस्ट लोकेशन आहे.
उपवन तलाव हे ठाण्यातील लोकप्रिय पिकनिक स्पॉट आहे.टेकड्यांनी वेढलेले हे ठिकाण शांत वातावरण देते. येथे पॅडल बोटिंग, किड्स झोन, लाईट शो आणि पाण्याकाठी खाद्यपदार्थांचा आनंद घेण्यासाठी अनेक स्थानिक खाद्यपदार्थांचे स्टॉल्स उपलब्ध आहेत.
संध्याकाळी ब्रह्मळा तलाव उद्यान येथे निवांत वेळ घालवू शकता. उद्यान येथील वॉकिंग ट्रॅक, ओपन जिम, छोटे मंदिर आणि सुंदर कारंजे यांसाठी प्रसिद्ध आहे.
कळव्याच्या अगदी जवळ पारसिक हिल धबधबा वसलेला आहे. येथे तुम्ही भन्नाट फोटोशूट करू शकता. धबधब्याखाली भिजण्याचा आनंद घेऊ शकता.
कचराळी तलाव हा गोड्या पाण्याचा (Freshwater) तलाव आहे. मध्यभागी एक लहान हिरवागार बेट, तसेच बोटिंगची सुविधा देखील येथे आहे.
मुम्ब्रा वॉटरफॉल कळव्यापासून अगदी जवळ आहे. पावसाळ्यात परिसरात हिरवाई आणि पाण्याचे प्रवाह दिसतात. मोठ्या पावसानंतर पाण्याचा वेग वाढू शकतो, त्यामुळे स्थानिक परिस्थिती तपासूनच जाणे चांगले.
येऊर हे पावसाळ्यात विशेष सुंदर दिसणाऱ्या ठिकाणांपैकी एक आहे. डोंगर, जंगल, हिरवाई, पक्षीनिरीक्षण आणि चालण्याचे, ट्रेकिंगचे पर्याय येथे आहेत. जून ते सप्टेंबरदरम्यान परिसर विशेष हिरवागार होतो.
वरील माहितीचा उद्देश केवळ पर्यटन स्थळांची ओळख करून देणे हा आहे. यातील माहिती इंटरनेटवरील उपलब्ध सोर्समधून घेण्यात आली. कोणत्याही वादाशी किंवा दाव्याशी आमचा संबंध नाही.