महाराष्ट्राचे मुख्यमंत्री देवेंद्र फडणवीस आज नागपूरवरून थेट दिल्ली दौऱ्यावर रवाना होणार आहेत. त्यांच्या या अचानक ठरलेल्या दिल्ली दौऱ्यामुळे राज्यातील राजकीय वर्तुळात हलचालींना वेग आला आहे. याबाबत राजकीय वर्तुळात चर्चेला उधाण आले आहे.

आपल्या या दौऱ्यादरम्यान मुख्यमंत्री भाजपच्या अनेक वरिष्ठ केंद्रीय नेत्यांची भेट घेणार असल्याची माहिती समोर येत आहे. या भेटीदरम्यान राज्यातील सध्याची राजकीय परिस्थिती, आगामी महत्त्वाचे निर्णय आणि काही प्रमुख शासकीय मुद्द्यांवर सविस्तर चर्चा होण्याची शक्यता आहे.

गेल्या काही दिवसांपासून राज्यातील विविध महत्त्वाच्या घडामोडींच्या पार्श्वभूमीवर मुख्यमंत्र्यांचा हा दिल्ली दौरा अत्यंत महत्त्वाचा मानला जात असून, या बैठकांनंतर काय निर्णय होतात, याकडे संपूर्ण राज्याचे लक्ष लागले आहे.