मंत्रिमंडळ विस्ताराच्या चर्चेसाठी मुख्यमंत्री आणि दोन्ही उपमुख्यमंत्री दिल्लीला रवाना होणार असल्याची माहिती सूत्रांकडून देण्यात आली आहे. दिल्लीत भाजपच्या पक्षश्रेष्ठींशी चर्चा केल्यानंतर राज्यातला मंत्रिमंडळ विस्तार केला जाण्याची शक्यता आहे. तर कोणत्या पक्षाला किती पद खाते मिळणार याची देखील आता चर्चा सुरू झाली आहे, अशी माहिती सूत्रांकडून देण्यात आली आहे.

मंत्रिमंडळाच्या विस्तारासाठी मुख्यमंत्री देवेंद्र फडणवीस यांच्यासह दोन्ही उपमुख्यमंत्री दिल्लीत केंद्रीय गृहमंत्री अमित शहा यांना भेटू शकतात आणि त्यानंतर मंत्रिमंडळ वाटपाचा निर्णय घेतला जाईल अशी माहिती सूत्रांकडून देण्यात आली आहे. राज्यात नवीन सरकार स्थापन झालं असलं तरी, मंत्रिमंडळाचा विस्तार बाकी असल्याने हा विस्तार कधी होणार आणि कोणत्या पक्षाला किती जागा मिळणार याबद्दल महायुतीत रस्सीखेच सुरू झाली आहे. त्यामुळे दिल्लीत जाऊन यावर पक्षश्रेष्ठींशी चर्चा करूनच आता निर्णय घेतला जाणार आहे, अशी माहिती सूत्रांकडून देण्यात आली आहे.