छत्रपती संभाजीनगर जिल्ह्यातील कन्नड, सोयगाव तालुक्यात अनेक गावात रात्री ढगफुटी सदृश्य पाऊस झाल्याने हाहाकार माजला आहे. अतिवृष्टी आणि ढगफुटी सदृश्य पावसामुळे शेती पिकांचे मोठे नुकसान झाले असून काही ठिकाणी शेती खरडून वाहून गेली आहे. अचानक झालेल्या पावसामुळे जनजीवन विस्कळीत झाले आहे. अनेकांच्या घरात दुकानात पाणी शिरले आहे तर काही ठिकाणी जनावरांच्या गोठ्यातही पाणी शिरल्याने नागरिकांची मोठी धावपळ झाली आहे. शेतकरी वर्ग निराश झाला असून हातातोंडाशी आलेले पीक पाण्याखाली गेले आहे. दरम्यान, नागरिकांना सावधगिरी बाळगण्याचे आवाहन स्थानिक प्रशासनाकडून करण्यात आले आहे.