बाळाचा पुरलेला मृतदेह गायब झाला आहे. सोलापुरात ही धक्कादायक घटना घडली आहे. याप्रकरणी पोलिसांत तक्रार दाखल करण्यात आली आहे. सोलापूरमध्ये प्रियांश वाघमारे या १० महिन्याच्या बाळाला खेळताना इजा झाली होती. त्यात प्रियांशचा मृत्यू झाला होता. १४ जूनला सोलापूरच्या मोदी स्मशानभुमीत त्याच्यावर अंत्यसंस्कार करण्यात आले होते. तिसऱ्या दिवशी विधी करण्यासाठी नातेवाईक अंत्यसंस्काराच्या ठिकाणी आले होते. तेव्हा मृतदेह पुरल्याच्या ठिकाणी खड्डा दिसला. या प्रकरणी पोलिसांत तक्रार दाखल झाली आहे.