मराठा समाजाला ओबीसीमधून म्हणजेच कुणबी प्रमाणपत्र देण्याचा सरकारने अध्यादेश काढल्यानंतर ओबीसी नेते तथा अन्न व नागरी पुरवठा मंत्री छगन भुजबळ हे प्रचंड नाराज झालेय. काल मंत्री मंडळाच्या बैठकीवर देखील भुजबळ यांनी बहिष्कार टाकला होता. यानंतर त्यांनी ओबीसी नेत्यांची बैठक बोलवत या जीआरच्या विरोधात हायकोर्टात आणि वेळ पडली तर सुप्रीम कोर्टात जाऊ अशी भूमिका भुजबळ घेतली आहे.

तसेच काल मुख्यमंत्री देवेंद्र फडणवीस यांच्या निवासस्थानी महायुतीच्या नेत्यांसाठी स्नेहभोजनाचा कार्यक्रम आयोजित केला होता. यावर देखील भुजबळांनी बहिष्कार टाकला होता. एकदरीतच भुजबळ यांनी मराठा आरक्षणाच्या नव्या अध्यादेशावर विरोध केल्याने आता त्यांच्या नाशिक येथील निवासस्थानी पोलिस सुरक्षा वाढवली आहे. कुठलाही अनुचित प्रकार घडू नये यासाठी त्यांना अतिरिक्त सुरक्षा दिल्याचे सांगितले जात आहे.