Pandharpur Rain News: पंढरपूरमध्ये भीमा नदी इशारा पातळीपासून अवघ्या चार मीटर दूर आहे. त्यामुळे पंढरपूर शहराला पुराचा धोका निर्माण झाला आहे. आज दुपारनंतर पाणी पातळीत मोठी वाढ होणार आहे. पूरस्थितीच्या पार्श्वभूमीवर शहरातील व्यास नारायण झोपडपट्टीतील 35 कुटुंबांचे स्थलांतर करण्यात आले आहे. सध्या पंढरपुरात चंद्रभागा 30 हजार क्युसेक पाण्याचा प्रवाह घेऊन वाहत आहे. दुपारनंतर हा विसर्ग वाढणार आहे. सध्या 439 मीटर पातळीने भीमा नदी आहे. इशारा पातळी 443 मीटर आहे. त्यामुळे पंढरपूर शहरातील सखल भागाला पुराचा फटका बसू शकतो.