Palghar Vadhavan Dam: पालघरमध्ये उभारण्यात येणाऱ्या वाढवण बंदराला केंद्राकडून मान्यता देण्यात येणार असल्याची माहिती सूत्रांकडून मिळत आहे. मागील 25 हून अधिक वर्षांपासून स्थानिकांकडून या बंदराला विरोध केला जात होता. जेएनपीए कडून या बंदराचे फायदे सांगत स्थानिकांचा विरोध क्षमविण्याचा प्रयत्न केला गेला होता. वाढवण बंदर उभारल्यास येथील लाखो नागरिकांना रोजगार मिळणार असून देशाच्या विकासाला चालना मिळेल असा दावा जेएनपीएने केला आहे. संध्याकाळी सात वाजता केंद्रीय कॅबीनेटची बैठक होणार असून या बैठकीत केंद्राकडून या बंदराला परवानगी देण्यात येणार असल्याची माहिती सूत्रांकडून मिळत आहे.