मध्य रेल्वेची वाहतूक विस्कळीत झाली आहे. मुंबईच्या दिशेने जाणाऱ्या मालगाडीच्या इंजिनमध्ये बिघाड झाला. टिटवाला आणि आंबिवली रेल्वे स्थानकादरम्यान मालगाडीच्या इंजिनमध्ये बिघाड झाला. त्यामुळे कसारा ते कल्याणदरम्यान अप मार्गावरील लोकल वाहतूक विस्कळीत झाली आहे. तर डाऊन मार्गावरील लोकल वाहतूक उशिराने सुरू आहे.

याचा परिणाम कल्याण ते सीएसएमटी लोकल वाहतुकीवर देखील झाली आहे. लोकल वाहतूक १५ ते २० मिनिटं उशिराने सुरू आहे. लोकल वाहतूक विस्कळीत झाल्यामुळे प्रवाशांचे हाल होत आहे. सर्वच रेल्वे स्थानकावर प्रवाशांची मोठी गर्दी झाली आहे. मालगाडीचे इंजिन दुरुस्तीचे काम सुरू आहे. रेल्वे कर्मचाऱ्यांनी घटनास्थळी धाव घेतली असून दुरूस्तीचे काम युद्धपातळीवर सुरू आहे.