राष्ट्रवादीच्या अजित पवार गटाच्या महिला प्रदेशाध्यक्ष रूपाली चाकणकर यांनी मशीनची पूजा केल्याचा व्हिडिओ सोशल मीडियावर व्हायरल झाला होता. पुण्यात रुपाली चाकणकरांनी ईव्हीएमची पुजा केली होती. हा व्हिडीओ सोशल मीडियावर तुफान व्हायरल झाला. त्यानंतर सिंहगड रोड पोलीस ठाण्यात याबाबत गुन्हा दाखल करण्यात आला आहे. निवडणूक अधिकारी यांनी चाकणकरांविरोधात सिंहगड पोलीस स्टेशन मध्ये तक्रार दिली होती. तक्रारीवरून हा गुन्हा दाखल करण्यात आला आहे.