Pune Rain News: चरोली गावच्या इंद्रायणी नदीच्या पुलावरून पाण्याच्या प्रवाहात एक कार वाहत गेली होती. बाप-लेक जीव वाचवण्यासाठी आकांताने ओरडत होते आता ही कार बुडणार...तेव्हाच जीवाची पर्वा न करता एक तरुण पुढं सरसावला. अन् त्या कारमधील दोघांचे प्राण वाचवले. ही जिगरबाज कामगिरी करणाऱ्या तरुणाचे नाव आहे योगेश भोसले. योगेशला आईनं रोखण्याचा प्रयत्न केला. पण आपल्या डोळ्यादेखत दोघांचे जीव जातोय, हे योगेशला पहावत नव्हतं. त्यामुळं योगेशने मागचा-पुढचा विचार न करता थेट पाण्याचा प्रवाहात उतरला अन बुडणाऱ्या बाप-लेकाला जीवदान दिलं. त्यावेळी इतर प्रत्यक्षदर्शी मात्र बघ्याच्या भूमिकेत होते, याची योगेशला मोठी खंत वाटली असं योगेश ने म्हटलं आहे.