संजय जाधव, बुलढाणा

बुलढाणा जिल्ह्याच्या मेहकर तालुक्यातील पारखेड येथील उपसरपंच कवरसिंग जाधव यांच्या कुटुंबावर गावातीलच चार ते पाच जणांनी हल्ला केल्याची तक्रार जानेफळ पोलीस ठाण्यात देण्यात आली आहे. याच संशयित आरोपींनी उपसरपंचाच्या घरी जाऊन त्यांच्या पत्नीला जबरदस्ती विषारी औषध पाजल्याचाही आरोप संबंधित महिलेने पोलिसांना दिलेल्या जबाबात केला आहे. ग्रामपंचायत कामकाजात हस्तक्षेप आणि राडा करतानाचे व्हिडिओ सध्या समाज माध्यमावर व्हायरल होत आहेत. जानेफळ पोलीस ठाण्यात दिलेल्या तक्रारीवरून नमूद आरोपीवर गुन्हे दाखल करून त्यांना तात्काळ अटक करण्याची मागणी फिर्यादीने केली आहे. सध्या उपसरपंचाच्या पत्नीवर रुग्णालयात उपचार सुरू आहेत.