बुलढाणा : बुलढाण्यातून चारधाम यात्रेसाठी भाविक बसमधून निघाले होते. तेव्हा या बसला आग लागली. सुदैवाने या आगीत कुठलीही जिवीतहानी झालेली नाही. धामणगाव बढे येथून चारधाम यात्रेसाठी निघालेल्या भाविकांच्या 2 लक्झरी बस पैकी एका बसला आग लागली. मध्यप्रदेशातील शिवपुरी जिल्ह्यातील कोलारस नजीक 17 मेच्या दुपारी 2 वाजेच्या सुमारास शॉर्टसर्किटमुळे ही आग लागली. अचानक लागलेल्या आगीमुळे संपूर्ण बस जळून खाक झाली. दरम्यान समय सुचकता राखत सर्व प्रवासी बसमधून बाहेर पडल्याने बचावले आहे.