बुलडाण्यात पोलिस कर्मचाऱ्याला सासू -सासऱ्यांनी बेदम मारहाण केल्याची घटना घडली. या घटनेचा व्हिडीओ व्हायरल झाला आहे. या प्रकरणी अंढेरा पोलिस ठाण्यात सासू-सासऱ्यांविरोधात गुन्हा दाखल करण्यात आला आहे. दोघांनी जावयाच्या घरी जाऊन मारहाण केली. या घटनेमुळे बुलडाण्यात खळबळ उडाली.

बुलडाणा जिल्ह्यातील अंढेरा येथे एका निलंबित पोलिस कर्मचाऱ्याला सासू सासऱ्यांनी घरी जाऊन मारहाण केली. मारहाण झालेल्या निलंबित पोलिस कर्मचाऱ्याचे नाव प्रभू चाटे असून मुंबई पोलिस दलात कार्यरत असल्याची माहिती मिळाली आहे. मात्र ४ महिन्यापूर्वी त्याच्या पत्नीने आत्महत्या केली होती.

दरम्यान पोलिस कर्मचारी प्रभू चाटेवर गुन्हा देखील झाला होता. प्रभू चाटे मुंबईवरून घरी आल्याचे समजताच सासू-सासऱ्यांनी त्याचे घर गाठले. घरात घुसून त्यांनी प्रभू चाटेला खेचून बाहेर आणलं आणि बेदम मारहाण केली. या प्रकरणी अंधेरा पोलिस ठाण्यात सासू- सासऱ्यासह मेहुण्याविरोधात विविध कलमान्वये गुन्हा दाखल करण्यात आला आहे.