बुलडाण्यातून एक मोठी बातमी समोर आली आहे. बुलडाण्यामध्ये ग्रामस्थांसोबत आरेरावी करणाऱ्या तलाठ्याची चौकशी करण्याचे आदेश मुख्यमंत्री एकनाथ शिंदे यांनी जिल्हाधिकाऱ्यांना दिले आहे. यासंदर्भात मुख्यमंत्र्यांनी बुलडाण्याच्या जिल्हाधिकाऱ्यांसोबत चर्चा देखील केली. बुलडाण्याच्या खेर्डा बुद्रुक येथील ग्रामपंचायतीमध्ये अर्ज भरण्यासाठी ग्रामस्थांनी गर्दी केली होती. त्यावेळी तलाठ्याने ग्रामस्थांना आरेरावी केली होती. लाडकी बहीण या योजनेसाठी बुलडाण्यामध्ये तलाठी कार्यालयामध्ये कागदपत्रांची जुळवाजुळव करण्यासाठी महिलांनी मोठी गर्दी केली होती. त्यावेळी तलाठ्याने महिलांवर आरेरावी केली. याचा व्हिडीओ सोशल मीडियावर व्हायरल झाला होता. आता या प्रकरणाची दखल मुख्यमंत्र्यांनी घेतली असून त्यांनी या तलाठ्याची चौकशी करण्याचे आदेश दिले आहेत. आता या तलाठ्याविरोधात नेमकी काय कारवाई होईल याकडे सर्वांचे लक्ष लागले आहे.