संपूर्ण देश हा पहलगाम दहशतवादी हल्ल्यानंतर संतापात आहे. मात्र बॉर्डर सिक्युरिटी म्हणजेच BSF जवानाने सीमारेषा ओलांडली आहे. बॉर्डर पार करून पाकिस्तानच्या हद्दीत गेलेल्या बीएसएफच्या या जवानाला पाकिस्तानी रेंजर्सने ताब्यात घेतले असून ही घटना फिरोजपूर येथील सीमारेषेवरील असल्याचे समोर आले आहे. सीमारेषेवरील शेतकऱ्यांच्या देखभालीसाठी दोन बीएसएफ जवान तैनात करण्यात आले होते. त्यापैकी एक जवानाने सीमारेषा पार केल्याने तो पाकिस्तानी रेंजर्सच्या ताब्यात सापडला आहे. यामुळे सध्या वरिष्ठ अधिकाऱ्यांकडून या जवानाला सोडवून आणण्यासाठी बैठकांचे सत्र सुरू झाले आहे.