मुंबईच्या विलेपार्ले पूर्वमधील जैन मंदिरावर महापालिकेने हातोडा चालवला. महापालिकेच्या के पूर्व विभाग कार्यालयाच्या माध्यमातून या मंदिरावर बुलडोझर चालवत तोडकाम कारवाई करण्यात आली. न्यालयाच्या आदेशानुसार ही कारवाई पालिकेने केली. मात्र जैन मंदिर ट्रस्टी न्यायालयाच्या आदेशाविरोधात पुन्हा उच्च न्यायालयात गेले. मात्र तत्पूर्वीच ही कारवाई करण्यात आली.

पालिकेच्या या कारवाईमुळे जैन समाज संतप्त झाला. या कारवाईविरोधात आज मुंबईतील सर्व जैन धर्मियांच्या वतीने पालिकेच्या के पूर्व प्रभाग कार्यालयावर अहिंसक मोर्चा काढण्यात आला. यावेळी महापालिकेविरोधात जोरदार घोषणाबाजी करत हजारोचा जमाव विलेपार्ले येथील जैन मंदिरापासून के पूर्व विभाग कार्यालयाच्या दिशेने निघाला आहे. मंत्री मंगल प्रभात लोढा, स्थानिक आमदार पराग अळवणी यांच्या नेतृत्वाखाली हा मोर्चा निघाला आहे. या मोर्चात मोठ्यासंख्येने स्थानिक नागरिक सहभागी झाले आहेत.