महापालिका निवडणुकीतील तिकिट न मिळाल्यामुळे भाजप कार्यकर्त्यांचा उद्रेक संभाजीनगरमध्ये पाहायला मिळाली. कार्यकर्त्यांनी माजी मंत्री भागवत कराड यांची कार आडवली. त्यांचा फोटोवर काळे फासले. काही काळ कार कार्यकर्त्यांनी रोखली. संभाजीनगरमध्ये भाजपच्या कार्यकर्त्यांचा आक्रोशाने महाराष्ट्राचे राजकारण कुठे गेलेय? याची चर्चा सुरू झाली. आम्ही भाजपसाठी जिवाचे रान केले, पण आम्हाला तिकिट मिळाले नाही. उपऱ्यांना तिकिट दिले, आम्हाला दिले नाही... असे कार्यकर्ते म्हणाले. संभाजीनगरमध्ये हाय हाय चा नारा कार्यकर्त्यांनी दिला.

छत्रपती संभाजीनगरमध्ये तिकिट न मिळाल्याने काही पदाधिकाऱ्यांकडून उपोषण करण्यात येत आहे. त्यांची समजूत काढण्यासाठी भागवत कराड निघाले होते. त्यावेळी कार्यकर्त्यांच्या रोषाचा सामना त्यांना करावा लागला. भाजपच्या काही कार्यकर्त्यांनी भागवत कराड यांच्या गाडीला रस्त्यावरच घेराव घालून नाराजी व्यक्त केली. या घटनेमुळे परिसरात तणावाचे वातावरण निर्माण झाले. या घेरावामुळे पुढील राजकीय हालचाली कशा असतील, हे आता पाहण्यासारखे आहे.