महाराष्ट्रात पुन्हा निवडणुकांची धामधूम सुरू होणार आहे. मिनी विधानसभा असलेल्या महापालिका आणि स्थानिक स्वराज्य संस्थांच्या निवडणुका होत आहेत. त्यामुळं प्रमुख राजकीय पक्षांमध्ये जोरदार हालचाली सुरू आहेत. अनेक प्रमुख पक्षांमध्ये इनकमिंग आणि आउटगोइंग सुरू झाली आहे. पक्षप्रवेश सोहळे दणक्यात आयोजित केले जात आहेत. दुसरीकडं अप्रत्यक्ष प्रचारही सुरू झाला आहे. सर्व राजकीय पक्षांकडून तयारी सुरू आहे. यात भाजपने आघाडी घेतल्याचे चित्र सध्या तरी दिसून येत आहे. भाजपनं निवडणुकीची तयारी सुरू केली आहे. स्वतः मुख्यमंत्री देवेंद्र फडणवीस हे अॅक्शन मोडवर आले आहेत.

भाजपने स्थानिक स्वराज्य संस्थांच्या निवडणुकांची तयारी सुरू केली आहे. तीन दिवसांत सहा विभागांच्या बैठका होणार आहेत, असे समजते. १० ऑक्टोबरला नाशिक आणि मराठवाडा या विभागांतील पदाधिकार्‍यांच्या बैठका घेण्यात येणार आहेत. ११ ऑक्टोबरला पश्चिम महाराष्ट्र आणि कोकण विभागांतील पदाधिकार्‍यांच्या बैठका आयोजित करण्यात आल्या आहेत. १३ ऑक्टोबरला अमरावती आणि नागपूर विभागांतील पदाधिकार्‍यांच्या बैठका होतील. नाशिक, छत्रपती संभाजीनगर, पुणे, मुंबई, अमरावती, नागपूर येथे बैठका घेतल्या जाणार आहेत.