भाजपची विधानसभा उमेदवारांची दुसरी यादी आज जाहीर होण्याची शक्यता आहे. भाजपची बैठक अमित शहा यांच्या उपस्थितीत पार पडत आहे. उर्वरित जागांच्या वाटपाबाबत या बैठकीत चर्चा होणार आहे. यासाठी देवेंद्र फडणवीस आणि चंद्रशेखर बावनकुळे हे केंद्रीय गृहमंत्री अमित शहा यांच्या निवासस्थानी दाखल झाले आहेत. महायुतीमधील काही जागांचे वाटप होणे अद्याप बाकी आहे. या जागांचा तिढा सोडवण्यासाठी पक्षश्रेष्ठींकडून प्रयत्न सुरू आहेत. त्याच अनुषंगाने आज अमित शहा यांच्या निवासस्थानी भाजपच्या नेत्यांची बैठक पार पडत आहे. त्यासाठी देवेंद्र फडणवीस आणि चंद्रशेखर बावनकुळे हे अमित शहा यांच्या निवासस्थानी दाखल झाले असून आज उर्वरित सर्व जागांवरील तिढा सोडवण्यात येईल अशी शक्यता सूत्रांकडून वर्तवण्यात आली आहे. दरम्यान, जागावाटपाचा हा तिढा सुटल्यावर आज भाजपची दुसरी उमेदवार यादी जाहीर होईल असंही सांगण्यात आलं आहे.

Edited By Rakhi Rajput