Maharashtra Politics : मुंबईत होणार मराठीची एकजूट; ठाकरेंची युती, महायुतीला धडकी? Video

हिंदी सक्तीचा निर्णय रद्द केल्यानंतर ठाकरेंनी एकत्र विजयी मेळावा घेत एकीची वज्रमूठ आवळलीय....याच मेळाव्यात ठाकरे बंधू एकत्र येण्यामुळे युतीच्या चर्चांनी जोर धरलाय...त्यामुळेच महायुतीला धडकी भरल्याची टीका राऊतांनी केलाय.

खरंतर 2005 मध्ये राज ठाकरे शिवसेनेतून बाहेर पडले... त्यानंतर बाळासाहेब ठाकरेंनी या चिमण्यांनो परत फिरा रे म्हणत राज ठाकरेंना परत येण्याचं आवाहन केलं होतं.. बाळासाहेब ठाकरेंच्या हयातीत दोन्ही भावांचं मनोमिलन झालं नाही... मात्र आता हिंदीसक्तीच्या मुद्द्यावर दोन्ही बंधूंनी एकीचा नारा दिलाय...याच ठाकरे बंधूंच्या एकीचा महाराष्ट्राच्या राजकारणावर मोठा परिणाम होण्याची शक्यता वर्तवण्यात आलीय..

विधानसभेत मुंबईत मनसेला 7 तर ठाकरे सेनाला 23 टक्के मतं

काँग्रेस आणि राष्ट्रवादीच्या पडझडीमुळे सक्षम विरोधक म्हणून पुढे येण्यास वाव

ठाकरेंच्या युतीमुळे मुंबई महापालिका निवडणुकीत चुरस निर्माण होणार

मराठीच्या मुद्द्यावर एकी झाल्यास शिंदे गटाची ताकद कमी होण्याची शक्यता

राज ठाकरे आणि उद्धव ठाकरेंनी एकत्र यावं ही बाळासाहेब ठाकरेंची इच्छा त्यांच्या हयातीत पूर्ण झाली नाही... मात्र आता बाळासाहेब ठाकरेंच्या निधनानंतर का होईना दोन्ही बंधू एकत्र आल्यास त्याचा मोठा फायदा ठाकरे बंधूंना होण्याची शक्यता आहे....