एकनाथ शिंदे यांचा बालेकिल्ला ठाण्यात अजूनही महायुतीचा उमेदवार जाहीर झालेला नाही. तर दुसरीकडे ठाकरे गटाने पुन्हा राजन विचारे यांना उमेदवारी दिली असून ठाकरे गटाने प्रचारही सुरु केला आहे. पण भाजपने संमंती न दिल्याने ठाण्याचं घोडं अडल्याचं सांगितलं जात आहे. शिंदे गटाने नरेश म्हस्के आणि मीनाक्षी शिंदे यांना उमेदवारी देण्याचे ठरवले होते. पण भाजपने या नावांना विरोध केलाय. सर्वेक्षणाचे कारण देत भाजपने या दोन नावांना नापसंती दर्शवली आहे. आधी या जागेसाठी भाजप आग्रही होती असेही सांगितलं जात होतं.