पुणे : खासदारकीच्या पहिल्याच टर्ममध्ये भाजपचे (BJP) मुरलीधर मोहोळ (Murlidhar Mohol) यांना मंत्रिपदाची लॉटरी लागली आहे. मोहोळ हे पुण्यातून लोकसभेची निवडणूक लढले होते. त्यांच्या विरोधात काँग्रेसचे (Congress) रवींद्र धंगेकर (Ravindra Dhangekar) उभे होते. १ लाख २३ हजार मताघिक्क्यांनी मोहोळ यांनी धंगेकरांचा पराभव केला होता. आता मुरलीधर मोहोळ यांना शपथविधीसाठी फोन आला आहे. पहिल्यांदाच खासदार झालेल्या मोहोळ यांची वर्णी लागणार आहे. यासाठी मोहोळ दिल्लीसाठी रवानाही झाले आहेत.