भरत मोहोळकर, साम टीव्ही

मुंबई : सातत्याने काँग्रेस आणि इतर पक्षातील घराणेशाहीवर टीका करणाऱ्या भाजपने विधानसभा निवडणूकीसाठी जाहीर केलेल्या उमेदवारांच्या यादीत 99 उमेदवारांपैकी 8 जण हे राजकीय नेत्यांच्या कुटुंबातील आहेत. त्यामुळे घराणेशाहीचा मुद्दा पुन्हा एकदा चर्चेत आलाय...मात्र कोणत्या नेत्यांच्या कुटुंबियांना उमेदवारी देण्यात आलीय? पाहूयात...

भाजपातही घराणेशाही?

आशिष शेलारांचे बंधू विनोद शेलारांना मालाड पश्चिम मधून उमेदवारी

भाजप खासदार अशोक चव्हाणांची मुलगी श्रीजया चव्हाणांना भोकरमधून उमेदवारी

भाजपचे माजी आमदार गणपत गायकवाड यांच्या पत्नी सुलभा गायकवाड यांना कल्याण पूर्व मधून उमेदवारी

रावसाहेब दानवेंचा मुलगा संतोष दानवेंना भोकरदनमधून उमेदवारी

भाजपचे दिवंगत खासदार हरिभाऊ जावळेंचा मुलगा अमोल जावळेंना रावेरमधून उमेदवारी

भाजपचे दिवंगत आमदार लक्ष्मण जगताप यांचे बंधू शंकर जगतापांना चिंचवडमधून उमेदवारी

भाजपचे प्रकाश आवाडेंचा मुलगा राहुल आवाडेंना उमेदवारी

भाजप आमदार बबनराव पाचपुतेंच्या पत्नी प्रतिभा पाचपुतेंना उमेदवारी

घराणेशाहीवर टीका करणाऱ्या भाजपने आपल्या उमेदवारांमध्ये घराणेशाहीतीलच उमेदवारांना संधी दिलीय.. त्यामुळे हा मुद्दा भाजपसाठी डोकेदुखी ठरण्याची शक्यता आहे..