मराठा आरक्षण आंदोलनकर्ते मनोज जरांगे यांच्या मागे शरद पवार यांचा हात असल्याचा खळबळजनक आरोप भाजप नेते परिणय फुके यांनी केला आहे.

मनोज जरांगे उपोषण सुरू करतात, तेव्हा पहिल्या दिवशी शरद पवार जाऊन भेटतात, राजेश टोपे जाऊन भेटतात. राष्ट्रवादीचे नेते भेट घेतात. हेच ओबीसी समाजाचा एक कार्यकर्ता जर मागण्यांसाठी, आपले हक्क वाचवण्यासाठी उपोषण करत आहे, तर त्यांना भेटायला यापैकी कोणी नेते जात नाहीत. त्याचा एकच अर्थ आहे की शरद पवार आणि त्यांची राष्ट्रवादी काँग्रेस हे एक मेसेज देतात की या मराठा आंदोलनामागे कोण आहे, तर ते म्हणजे शरद पवार आहेत, असा आरोप भाजप नेते परिणय फुके यांनी केला आहे.