सांगली येथील तासगाव नगर परिषदेमध्ये ऐन निवडणुकीत भाजपमध्ये उभी फूट पडली असून पक्षातील अंतर्गत संघर्ष उफाळून आला आहे. भाजपचे नेते संदीप-गिड्डे पाटील यांनी वेगळी भूमिका घेतली आहे. निवडणुकीत प्रक्रियेमध्ये भाजप तालुका अध्यक्षांनी मुख्यमंत्र्यांच्या आदेशाला फाट्यावर मारत मत विभागणीचे भूमिका घेतली आहे.

राष्ट्रवादी अजित पवार गटासोबत आघाडी करण्याच्या सूचना असताना देखील भाजप तालुका अध्यक्ष स्वप्निल पाटील यांनी मनमानी कारभार करत स्वतंत्र लढण्याची भूमिका घेतली आहे. तसेच आपल्या उमेदवारांना देखील डावलण्यात आल आहे असा आरोप देखील संदीप गिड्डे-पाटील यांनी केला आहे.

त्याचबरोबर स्थानिक भाजपने निवडणूक प्रचारापासून आपल्याला लांब ठेवलं आहे. त्यामुळे आपण राष्ट्रवादी अजित पवार पक्ष आणि संजयकाकांच्या स्वाभिमानी आघाडीतील उमेदवारांचा प्रचार करणार असल्याची भूमिका संदीप गिड्डे पाटील यांनी जाहीर केली आहे. त्यामुळे ऐन निवडणुकीमध्ये संदीप गिड्डे पाटलांच्या भूमिकेमुळे भाजपाला या अंतर्गत संघर्षाचा फटका बसण्याची शक्यता व्यक्त केली जात आहे.