तुम्ही UPI द्वारे व्यवहार करता का? तर ही बातमी तुमच्यासाठी आहे. ३ हजारांहून अधिकच्या व्यवहारांवर शुल्क लागू होण्याची शक्यता आहे. कोविड संकटानंतर भारतात यूपीआय व्यवहारांमध्ये प्रचंड वाढ झाली. सध्या यूपीआयवर होणाऱ्या मर्चंट व्यवहारांचं एकूण मूल्य ६० लाख कोटी रुपयांवर पोहोचलं आहे. मात्र झिरो MDR पॉलिसीमुळे बँका आणि पेमेंट सर्व्हिस प्रोव्हायडर्सना खर्च भागवणं कठीण झालं आहे. त्यामुळे या क्षेत्रात गुंतवणूक होण्याचे प्रमाण कमी झालं आहे. म्हणूनच यूपीआय पेमेंटवर शुल्क आकारण्याची शक्यता आहे. PMO, अर्थ मंत्रालय आणि संबंधित विभागांनी यावर चर्चा सुरू केली. बँका, फिनटेक कंपन्या आणि NPCI यांच्यासोबत सल्लामसलत झाली आहे. पुढील १ ते २ महिन्यांत यासंदर्भात अंतिम निर्णय होण्याची शक्यता आहे.