इंग्लंडमध्ये साहित्यिक,कलावंत वास्तव्य करीत असेल, त्यांच्या नावाची पाटी निळी पाटी स्थानिक प्रशासनाकडून लावण्यात येते. इंग्लंडमधील ही संकल्पना भुसावळमध्ये राबवण्यात येत आहे. सांस्कृतिक वारसा जपण्यासाठी भुसावळ शहरात नगराध्यक्षा गायत्री भंगाळे यांनी काल रविवारी महिला दिनानिमित्त सुरू केला. त्यावेळी लेखिका सीमा भारंबे यांच्या घरावर पाटी लावून त्यांनी या उपक्रमाची सुरुवात केली.

यावेळी नगराध्यक्षा गायत्री भंगाळे, ललिता चौधरी यांनी साहित्यिक सीमा भारंबे यांच्या निवासस्थानी भेट दिली. त्यावेळी सांस्कृतिक आणि साहित्याची ओळख म्हणून निळ्या रंगाची पाटी लावली. प्रा. उत्तम सुरवाडे यांच्या मार्गदर्शनाखाली हा कार्यक्रम राबवण्यात आलाय. शहरात लेखिका सीमा भारंबे यांच्या निवासस्थानाला प्रथमच सांस्कृतिक वारश्याचा दर्जा देखील देण्यात आला.