सोलापुरातील मोहोळ मध्ये एका भोंदू बाबाला अंधश्रद्धा निर्मूलन समितीच्या पदाधिकाऱ्यांनी रंगेहात पकडलं आहे. या भोंदूबाबांकडून अंधश्रद्धा पसरवत नागरिकांची फसवणूक होत असतानाच व्हिडीओ समोर आला असून सुभाष शिवमूर्ती बिराजदार असे या भोंदू बाबाचे नाव आहे. या भोंदू बाबावर गुन्हा दाखल करण्यात आला आहे. मोहोळ तालुक्यात गुप्तधन काढून देतो, तुमच्यावरील आरिष्ट्य दूर करतो असा बनाव करून लोकांची फसवणूक केल्याप्रकरणी भोंदूबाबास मोहोळ पोलिसांनी अटक केली आहे. मोहोळ तालुका अंधश्रद्धा निर्मूलन समितीच्या तक्रारीनुसार पोलिसांनी ही कारवाई केली असल्याची माहिती मिळत आहे. या भोंदूबाबावर पोलिसांनी जादूटोणा विरोधी कायद्याअंतर्गत गुन्हा नोंदवला आहे.