घाटकोपरच्या होर्डिंगमधून भावेश भिंडे वर्षाला २५ कोटी रुपये कमावयचा. रेल्वे पोलिसांच्या जागेवर हे होर्डिंग उभं होतं. त्यासाठी रेल्वेनेच ही जागा भावेशला करारावर दिली होती. वर्षाला २५ कोटी रुपये कमावणारा भावेश रेल्वे पोलिसांना भाड्यापोटी २४ लाख रुपये द्यायचा. तसेच ४० लाख रुपये अनामत रक्कम म्हणूनही भरली होती. कामगार कल्याणासाठी रेल्वेला निधी उभारायचा होता म्हणून रेल्वेने ही जागा भाड्याने द्यायचे ठरवले होते. यासाठी निविदाही काढल्या होत्या. भावेशच्या इगो मिडीयाने सर्वाधिक बोली लावल्याने त्याला हे कंत्राट मिळालं होतं. या होर्डींगची सर्व जबाबदारी एजन्सीची असेल असे करारात नमूद करण्यात आले होते.