बीड सरपंच हत्या प्रकरणात आणखीन एक मोठी अपडेट समोर आली आहे. खंडणी प्रकरणातील आरोपी वाल्मिक कराड याला धक्क्यावर धक्के बसत आहेत. वाल्मिक कराड याच्या वाईन शॉपचं ना हरकत प्रमाणपत्र रद्द करण्यात आलेलं आहे. केज नगरपंचायतीने दिलेलं प्रमाणपत्र हे रद्द करण्यात आल्याची माहिती समोर आली आहे. कराड याच्या वाईन शॉपला बेकायदेशीर प्रमाणपत्र दिलेलं असल्याचं खासदार बजरंग सोनवणे यांनी म्हंटलं होतं. त्यानंतर आता ही कारवाई करण्यात आलेली आहे. काराडच्या पुण्यातील फ्लॅटवर देखील कारवाई करण्यात आलेली आहे. त्यामुळे कराडच्या अडचणी वाढण्याची शक्यता आहे.